CEBU, Philippines – Mag-abot na ang mga banggiitang grapplers ug mixed martial artists sa Sugbo alang sa labing unang HASI Submission Grappling Challenge karong adlawa diha sa SM City-Cebu Trade Hall.
Ang maong torneyo mosunod sa all-submission format, nagpasabot nga bugtong paagi sa pagdaog mao ang pagtuok o pagpaundang sa kontra pinaagi sa locks ug submissions.
Dili magbasi sa puntos ang mga fighters hinungdan nga maningkamot sila batok sa usa’g-usa.
“It is a no-GI and kimono event that is why it is open to BJJ practitioners, wrestlers and MMA fighters,” matud pa ni Keeno Jingco sa HASI.
“Actually, this is just a trial run because we are planning to hold a bigger event later this year. BJJ and MMA are still gaining ground here, but more and more people are getting aware about it and they now understand the sport of grappling.”
Sa main event, si Mikhail Wu sa Deftac Cebu makigbatok ni Elmer Valmores sa Overlimit BJJ. Si John Dulap sa 98 BJJ moharong ni Firoze Singh sa Deftac, samtang si Duane Gacasan sa Deftac ug Yaw-Yan ArDigma moaway ni veteran MMA fighter Arnel Ylanan.
Lain duha ka paresan ang magsangka sa undercard sa maong torneyo nga gipasiugdahan sa HASI, usa ka local brand sa mga MMA, Brazilian Jiu Jitsu ug surfing nga produkto. (BANAT NEWS)