CEBU, Philippines - Nagpabilin ang kaisog sa NLEX Road Warriors ug ila nga gisoyakan ang Kia Carnival, 102-86 alang sa ilang ikalimang sunod-sunod nga daog sa PBA Commissioner’s Cup kagabii didto sa Smart Araneta Coliseum.
Mihayag ang paglaum sa NLEX alang sa ilang labing unang playoff appearance sukad sila miapil sa liga niadtong miaging conference.
Ang NLEX misaka sa ikalimang dapit sa ilang 6-4 win-loss record ug kun modaog pa sa nahabilin nilang duwa, hayan makuha pa nila ang automatic semis berth.
Ang ex-NBA standout nga si Al Thornton maoy nangulo sa NLEX sa iyang 33 puntos, samtang si Jonas Villanueva mitira og 20 puntos ug si Asi Taulava mitampo’g 10 puntos. (BANAT NEWS)