CEBU, Philippines- Gilupig sa Cebu Institute of Technology-University (CIT-U) Wildkittens ang Cebu Eastern College (CEC) Dragons ug gilubong pa kini, 90-75 alang sa ilang unang daog sa 14th Cebu Schools Athletic Foundation, Inc. (CESAFI) kagabii didto sa Cebu Coliseum.
Mga duwa ugma (Cebu Coliseum)
5:15 pm -- UV vs. DBTC (Jrs.)
6:16 pm -- UV vs. SWU (Srs.)
Ning pagsuwat, padayon pang naghamag ang CIT-U Wildcats batok sa University of San Jose- Recoletos (USJ-R) Jaguars sa seniors division.
Si Justin Jules Langres miiskor og 29 sa iyang 31 puntos sa second half aron maoy mangu sa Wildkittens. Igo lang siyang mihimo’g dos puntos sa unang duha ka kuwarter.
Misuporta sab kaniya si Joshua Manatad, kinsa midugang og 22 puntos, tulo niini ang three-pointers. Sila si Kevin Plaza ug Jasper Berezo mitampo’g 13 ug 10 puntos alang sa Wildkittens nga nagtabla karon sa Dragons sa managsamang nilang 1-2 nga baraha.
Ang Dragons gipangulohan ni Ivan Augustine Mate, kinsa mibugwak og 26 puntos, gisundan ni Lawrence Anthony Dellona sa iyang 15 puntos ug Johanne Miguel Orillaneda sa iyang 14 puntos. (BANAT NEWS)