CEBU, Philippines - Mag-abot ang F. Llamas Youth Association (FYA) Selection ug MacNels Forwarders sa krusyal nga duwa diin mag-ilog sila alang sa ikaduhang luna sa semifinals sa 2nd season sa Cebu International Port Users (CIPU) basketball tournament karong adlawa didto sa Cogon Ramos gym.
Sa pasiunang duwa, magsangka ang walay pildeng Petracorta Brokers batok sa walay daog nga Gonzales Brokers. Ang Petracorta awtomatik na moabante sa sunod hugna uban sa modaog tali sa FYA ug Mac Nels.
Ang third seed human sa elimination maoy makigsangka batok sa fifth seed ug ang no. 2 maoy makigsangka sa no. 4 pinaagi sa knockout.
Ang modaog moabante sa semifinals ug magsangka na sab sa laing knockout match. Ang modaog maoy moabante sa finals.
Sa kasamtangan, ang team standings sa miabante sa playoffs mao ang FYA ug MacNels 4-2, Ynah Brokers 4-3 ug Canillas Brokers ug Alin Brokers 3-4.