CEBU, Philippines - Ang Prime Hoops School mopahigayon og basketball clinic karong Domingo didto sa Deca Homes Mandaue Prime Homeowners Association (DHMPHA) open court.
Pagadumalaon kini sa mga kanhi varsity players sama ni Sherwin Candilada sa USPF Panthers, Chuck Rosal sa UV Green Lancers, ex-PBA cager Dale Singson ug Jusak Arong sa USJ-R Jaguars.
Itudlo atol sa clinic mao ang basic, intermediate/advance ug dribbling and shooting skills.
Gibahin kini ngadto sa upat ka age-bracket -- 3-6 years old, 7-9 years old, 10-12 years old ug 13-17 years
old.
Aduna kini 12 ka sessions diin tulo ka sessions ang himuon matag semana -- Miyerkules ug Biyernes gikan sa alas-7 hangtod sa alas-9:30 sa gabii ug Domingo sa alas-6 hangtod sa alas-8 sa buntag.
Ang clinic nga matapos sa Hunyo 9, gipaluyohan sab sa JB Sportswear ni Billy Nadado.