CEBU, Philippines - Nakasulod na sa semifinal round si Marc Norman Enriquez sa semifinal round sa 14th Tru-Flex National
Age-Group Tennis Championships sa miaging adlaw didto sa Lapu-Lapu City.
Gibati ni Enriquez nga siya na ang kampiyon sa boys 18 dihang iyang gipilde ang top-seeded nga si Dave
Sebastian Mosqueda, 6-3, 7-6(8-6) sa ilang quarterfinal match didto sa Paseo de Amores.
Sunod harungon ni Enriquez mao ang laing Sugbuanong si Changmai Necesario, kinsa yano kaayong
mipalagpot ni Justin Cabano, 6-1, 6-1.
Sila si Zethley Mae Alferez ug Shyne Villareal mipukan sab sa ilang tagsa-tagsang kaatbang aron moirog
ngadto sa sunod hugna sa girls 14-under division.
Si Alferez mipilde ni Kristin Renee Salimbangon, 6-1, 6-1 sa quarterfinals, samtang si Villareal midaog batok
sa taga-Manila nga si Maxine Martin, 6-0, 6-1.
Pakyas hinuon si Alferez paghimo og double semifinal entry human siya masango ni Jana Pages, 6-4, 6-3 sa
girls 16-under category didto sa Haruhay Dream Resort.
Hinuon, si Pages napilde ngadto ni Khim Iglupas sa girls 18-under semis, 1-6, 6-3, 6-4. Si Iglupas moharong
ni top-ranked Roxanne Resma sa championship round. (BANAT NEWS)