Maayong Balita
Nindot kaayo ang paghulagway ni Gustavo Gutierrez sa pulong “Emmanuel”, matud pa niya nga ang Dios ang niugbok gyud sa iyang tolda uban sa mga tolda sa katawhan.
Nga sa ato pa, ang Dios uban ug nipuyo gyud sa atong taliwala. Niambit sa atong pagkatawhanon aron kita makaambit sa iyang pagka-Diosnon.
Kasinatian
Uhaw ang kadaghanan kanato karon sa presensiya sa Dios diha sa atong kinabuhi. Daghan kanato ang nakasinati og kahaw-angan.
Daghan kanato ang nangita og tubag sa mga pangutana sa kinabuhi. Bisan pa man tingali kun anaa nato ang tanan dili gyud mahimo nga mahingpit ang atong kinabuhi kun wala ang Dios sa atong kasingkasing. Halayo kaniya wala kitay mahimo (Jn. 15;5)
Lihok
Gahini og igong panahon ang imong kaugalingon aron mohilom ning panahon sa Pasko sa Pagkatawo sa Ginoo. Pangutan-a usab ang imong kaugalingon kun nahiduol ka ba niya o nalayo ba hinuon?
Nahimo bang abli ang imong kasingkasing aron mosulod ang Ginoo sa imong kinabuhi?
Pangamuyo
Tanan: Nagkinahanglan kami kanimo Ginoo. Pakigpuyo na kanamo! Amen.