Dear Atty. Divine,
Aduna koy portion sa yuta nga gusto nakong ihatag sa akong manghud nga igo niya katukuran og balay. Unsa may mga dokumento nga angay nakong andamon aron mamahimong legal ang akong paghatag sa maong yuta og aron ma-transfer kini sa iyang pangan? Daghang salamat.
Queenie
* * *
Dear Queenie,
Ang pagdonar og real property kinahanglan gyud nga in writing, aron mamahimong legal ang paghatag niini. Basi sa Article 749 sa atong New Civil Code kini nagkanayon: “in order that the donation of an immovable may be valid, it must be made in a public document, specifying therein the property donated and the value of the charges which the donee must satisfy. Xxx xxx xxx.” Buot ipasabot nga dili pwede ang verbal donation sa usa ka real property. Busa, ang imong buhaton karon mao ang pag-execute og Deed of Donation, imo kining pirmahan ug kinahanglan sab nga adunay acceptance sa imong igsuon nga imong hatagan, dayon inyong panotaryuhan. Human niini, mamahimo nang i-process sa imong igsuon ngadto sa BIR, sa Assessor’s office ug sa Register of Deeds ang pag-transfer sa tax declaration o titulo sa portion sa yuta nga imong gihatag kaniya. Thank you and God Bless!
Atty. Divine
* * *
Alang sa inyong pangutana, palihug lang sa pag-email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.