Niay talaan, atong nakutlo gikan sa YouTube, sa mga nasud nga naghatag sa labing maayo nga policy ug mga programa alang sa ilang katigulangan, nga matud pa, “Elderly care should be an important part of every country's policy.
Ania ang mga nasud, sumala sa Google, nga ang ilang elderly care system, giisip nga the best: ?Norway, Sweden?, Germany, The United States, The United Kingdom, New Zealand, Austria, France, Australia, Netherland, Canada, ug Denmark. Ug matud pa, “Norway. with its strong sense of community, 100% pension coverage and financial security for older adults, it's no wonder that Norway is consistently found in the number one spot.”
Kahibawo man ta, nga ang mga higanting korporasyon ug entrepreneurs adunay mga social responsibilities, o tulobagon ngadto sa katilingban, dili kay ganansiya ra maoy ilang ug atubagon ug seguruon.
Adunay upat ka categories ang pagpakabana: environmental impacts, ethical responsibility, philanthropic endeavors (anhi mosulod ang ilang pagpakabana sa mga senior citizens), ug financial responsibilities.
Akong sabut, ang corporate social responsibility (CSR) sa gobiyerno, may kalabotan sa mga strategies put into action, nga gi-design aron pagseguro nga ang operasyon ethical ug beneficial for society. Simple ra kaayo ang responsibilidad sa gobiyerno, nga ang operation niini, ma-ethical, ug at all times, ma-beneficial sa katawhan.
Meanwhile, sa Mandaue City, ang mga senior citizens ug informal sector sa Brgy. Tipolo, nahimong latest nga mga beneficiaries sa financial assistance iprogram sa DOLE -7.
Kapin sa P840,000 ang gi-release pag-support sa General Merchandise project sa Tipolo Residence Informal Workers Association. Matud ni Maritess G. Mercado, sa Tri-City Field Office (TCFO), nga once ma-fully operational ang proyekto, gipaabot nga mo-increase ang ilang kita’ by P500, matag miyembro, matag quarter.
Walay problema sa marketing tungod kay ang mga sakop ra mismo sa kapunongan ang mo-patronize sa mga produkto.
Sa Lapu-Lapu City, si Mayor Junard "Ahong" Chan nagpahibawo nga magpa-print sila og mga PVC IDs alang sa 30 nila ka barangay. Guwapo ni, mosuway unya ko og pangayp, isip Tal Oponganon.
Gipahibawo usab sa Mayor nga magtukod sila’g Senior Citizens Center, anha tukora sa Senior Citizens Park, duol sa unang Cebu-Mactan Bridge sa Brgy. Pajo.
Earlier Si Chan nakigtagbo kanila ni Rep. Cindi King-Chan, sa lone congressional district sa dakbayan; NCSC Commissioner Dr. Mary Jean Loreche, tinugyanan sa DPWH 6th District Engineering Office; ug ubang concerned offfices, diin, among others, ilang gihisgutan ang mga plano ug mga programa sa dakbayan for 2025, ug ang mahitungod sa pagtukod sa senior citizens center.
Nindot na ni kay ang atong mga LGUs, sama sa Talisay ug Mandaue, nagpakabana sa mga concerns sa senior citizens, nga matud ni Carmen Pedrosa The Philippine Star, Aging is not a lost hope, but a new stage of opportunity and strength.
Usahay gud ato lang i-take for granted ang mga senior citizens. nga daku ug daghan kini og natampo pagpaugmad sa nasud, kon sa nation-building. Aging should be viewed as a positive experience, and the LGUs should lead in the promotion of active and productive aging.