Dear Atty. Divine,
Ang akong eldest natawo samtang dili pa mi kasal sa akong asawa. Busa ang birth certificate sa akong anak illegitimate siya apan naggamit siya sa akong apelyido kay ako man siyang gi-acknowledge. Apan pagkabuntis sa akong asawa sa among ikaduhang anak, nagpakasal mi, hinungdan nga ang manghud legitimate na. Ako unta ipausab ang birth certificate sa akong kamaguwangan nga anak kay kasal na man mi sa iyang inahan ug pwede ba mausab ang iyang status from illegitimate to legitimate? Asa namo ipausab? Daghang salamat. -- Gary
Dear Gary,
Yes, mamahimo nimong ipausab ang status sa imong anak gikan sa illegitimate ngadto na sa legitimated kay ang imong pagpakasal sa inahan sa bata maoy nakausab sa iyang status ngadto sa pagka legitimated. Adto kini nimo ipausab sa Local Civil Registrar diin siya narehistro. Ang Civil Registrar adunay list of requirements alang sa paghimong legitimated sa bata sama sa marriage certificate ug uban pa busa mas maayo nga mangayo ka nila sa list of requirements ug mao kini ang imong i-comply aron masugdan na ang proseso sa paghimong legitimated sa imong anak. Thank you and God bless.
Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.