Dear Atty. Divine,
Buntis ko karon sa akong ikalima nga anak. Nagtrabaho ko sa usa ka private company. Gusto unta ko nga mo-avail sa maternity leave but miingon akong kauban nga dili na daw ko ka pahimus niini kay kutob ra sa first four deliveries ang ma1cover sa maong benefit. Tinuon ni attorney? Daghang salamat.
Gwen
* * *
Dear Gwen,
Basi sa atong bag-ong balaod nga “105-Day Expanded Maternity Leave” kon RA 11210 nga gipatuman sugod niadtong March 11, 2019, giklaro niini sa Section 3 nga ang tanang babaye nga trabahante covered sa maong balaod regardless sa iyang civil status, whether legitimate ang bata or not ug regardless kon ikapila na kini niya nga anak. Ang maong balaod naglatid usab nga 105 days na ang ma-avail nga maternity leave sa inahan with full pay. Busa sa imo nga kaso, maka-avail gihapon ka sa maternity benefit provided nga duna kay 3 months contribution sa SSS in the 12-month period before sa imong pagpanganak.
Busa ipaseguro lang sa imong employer nga i-remit gyud ang imong monthly contribution sa SSS para maka-avail ka sa maong benefit. Thanks and God bless.
Atty. Divine
* * *
Alang sa inyong pangutana, palihug lang sa pag email sa flores_divina@yahoo.com og akong tubagon ang inyong pangutana pinaagi sa akong column matag Miyerkules, Sabado og Domingo.