Pormal ra kayo

SEPTIYEMBRE 2,2018: Ikakawhaa’g-duha nga

Domingo sulod sa tuig

MGA PAGBASA: Dt. 4:1-2,6-8/Sal.15/San.1:17-27/Mk.7:1-23

Anaa ang Ritwal, Pormalidad, Protokol. Kini ang hulagway nato sa relihiyon. Gani, ang bisan unsa nga sukwahi, ang giisip man natong lahi ug supak sa nalatid sa atong katigulangan. Kaha tungod kay buot kitang magpabilin sa luwas nga templo sa pormalidad. Hangtud nga nakalimtan nato nuon nga mas mahinungdanon ang kalag kaysa bisan unsang lawasnon o ang diwa kaysa pormalidad diha sa relihiyon.

Kon kini pa lang unta ang nakita sa kadaghanan dili unta mosanay ang mga Pariseo nga padayong moguba sa mga misubol nga mga karisma aron ipamugos ang ilang kaugalingong panghunahuna. Kaayo unta apan bisan gani ang kaluwasan giisip man nilang kaugalingong bahandi.

Show comments