Pinaagi niining maong proseso sa pagpangita sa imong tumong sa kinabuhi mamahimo kang aware sa imong mga panginahanglan, sa imong mga tinguha, sa imong mga pangindahay sa kinabuhi. Tungod sa kawalay igong tumong nan, daghanan kanato ang nahimong pasagad sa atong padulngan. Bisan asa ta paingon kun wa tay padulngan nan, mamahimong latagaw ang atong kinabuhi. Himoon natong kabahin sa atong sistema ang paggambalay sa atong tumong ug mga tinguha. Ning paagiha, mamahimo kitang han-ay, hapsay, ug malipayon.