Dear Tita Salie,
Have a nice day. I hope you’re always happy and beautiful.
By the way, just call me Jhen, 17 years of age. My problem is all about my lovelife. Duna ko’y boyfriend tulo sila ug parehong seloso. Love nako silang tulo, Tita Salie, lahilahi man sila’g hiyas. I know nga sayop ning akong gibuhat.
Unsa kahay angay nakong buhaton? Naglibog na gyud ko’g maayo karon kay basin mabuking unya nga tulo sila sa akong life. Palihog pasabta ko, Tita Salie. Thank you very much.
* * *
Hello Jhen,
Seguro guwapa ka kay tulo man ang imong boyfriend. Ug seguro usab mga guwapo pud ning imong gipangsugot. Ug tinuod nga dakong sayop kining imong gibuhat. Ug dili usab mahimo nga angkunon nimo kining tulo kay ang imong kasingkasing usa ra man.
Hinumdomi Jhen, ang panultihon sa karaan “walay aso nga makumkom” ug tinuod kini kay sa kadugayan mabuking ka gayud. Ug ang kasulatan sa 1 Timoteo 5.24 dugang nagaingon: “Ang mga sala sa pipila ka tawo dayag sa kadaghanan nga motultol dayon sa paghukom, apan mahitungod sa ubang tawo ang ilang mga sala madayag usab sa ulahi.” Busa Jhen, ayaw paabota nga hukman ka nila sa ulahi. Ug kay usa ra man ang imong kasingkasing magmaalamon ka magpili ka kun kinsa kanila ang labaw ingon sa natala sa 1 Tesalonica 5:13 nag-ingon: “Ug hatagan sila og labaw sa kasagaran nga pagtahod diha sa gugma tungod sa ilang buhat.”
Busa timbang-timbanga kini ug pamalandonga kun unsa kahay buhaton nila kun moabot ang panahon nga mabuking ka. -- Tita Salie