“Ako si Roel miss,†paila ni Roel ngadto sa babaye dungan sa pagtunol niya sa iyang tuo nga kamot. Gidawat kini sa babaye ug naglamanohay silang duha. “I’m Lalaine,†matud sa babaye nga nag-smile kang Roel.
Dayon milingkod si Roel sa lingkoranan atbang sa maanyag nga babaye. “Thanks kay imo na man diay nga gibayran ang gi-order nako nga mango shake,†matud ni Lalaine. “Wala’y sapayan Lalaine, gusto lang ko nga makig-amiga nimo,†ni Roel pa.
“Nakabantay bitaw ko nga nagsige ka og tan-aw nako sukad pa kaganina. Ngano man Roel?†pangutana ni Lalaine. Ingon sa wala dayon makatingog si Roel kay naghuna-huna siya og maayo nga itubag niya sa dalaga.
“Abi nimo Laine, gikulbaan ko sa una pa lang nako nga pagkakita nimo kaganina. Ang imong panagway Lalaine wala gyu’y kalainan sa panagway sa akong girlfriend kaniadto,†matud ni Roel nga mitutok pag-ayo sa dalaga.
Mipahiyom si Lalaine nga naminaw sa pagsaysay ni Roel kun ngano nga gisigehan siya niini og tutok gikan pa kaganina. “Maayo gani Laine kay wala ka’y kauban mao nga nakahigayon ko sa pagduol nimo,†ni Roel pa.
“Unya hain na man diay kadtong imong girlfriend nga matud nimo susama nako og panagway? Ako hinuo’y nakaingon nga gimingaw ka na niya,†matud ni Lalaine nga nagpahiyom. Alang ni Roel tam-is kaayo ang pahiyom ni Lalaine.
Gitug-anan niya si Lalaine nga gibudhian siya ni Mariven, ang iyang kanhi girlfriend nga susama og panagway kang Lalaine. Daw nahinuklog si Lalaine nga namati sa pagsaysay ni Roel sa iyang kaayo.
Nagkalingaw og suyop sa mango shake si Lalaine samtang naminaw sa pagsugid ni Roel sa masulob-on niya nga kaagi. “Mora man og drama ang imong kaagi nga gisugid nako Roel,†matud ni Lalaine.
“Tinuod bitaw. Apan mosamot gayud nga mora’g drama kun ang babaye nga kaamgid og panagway sa kanhi nako girlfriend ako usab nga mahimong hinigugma,†walay kukauwaw si Roel nga militok niini bisan og karon pa sila magkaila si Lalaine. Wala motingog si Lalaine nga nakadungog sa gisulti ni Roel. “I’m sure nga duna ka na gyu’y boyfriend Lalaine. Swerte kaayo siya kay gawas nga guwapa ang iyang girlfriend, buotan pa g’yud,†ni Roel pa. Igo lang mipahiyom si Lalaine.
“Mao ba? Swerte ba gud ang lalaki nga mahimo nako nga boyfriend? Magsige man lagi mi og away,†matud sa dalaga. Ang gibutyag ni Lalaine nakahatag og ideya ni Roel. Gusto niya nga sakyan ang giingon nga kanunay’ng mag-away si Lalaine ug ang iyang boyfriend. - Sumpayan