CEBU, Philippines — Nagpahigayon og road safety advocacy ang mga sakop sa Minglanilla Traffic Commission (MITCOM) aron mahibawo ug dili makalimot ang motorista nga taga Minglanilla sa mga balaod sa karsada para sa ilang kaluwasan ug sa ubang nigamit sa karsada.
Nakita ni Glenn Antigua, pangu sa MITCOM, ang kausaban pinaagi sa datos nga ilang natala nga nahitabo nga disgrasya sa kadalanan tungod sa mga sama niini nga adbokasiya.
Matud pa niya nga aduna may disgrasya sa dalan apan dili na kini grabe nga pagka apekto sa motorista kay kaniadto mangamatay gyud ang malambigit sa panghitabo.
Sigon pa ni Antigua nga ang simple nga traffic laws lang kini apan mao kini ang malimtan sa kasagaran ilabi na sa pagsul-ob sa helmet, pagsusi sa mga suga ug uban pa nga accessories sa sakyanan ug motorsiklo.
Ang ilang road safety advocacy gihimo diha sa nasudnon nga karsada ingon man ngadto sa hilit nga mga lugar sa Minglanilla.
Nanghinaot si Antigua nga padayon nga mokooperar ang katawhan kay ila raman sab kini nga kaluwasan. (CEBU NEWS)