CEBU, Philippines — Unom ka tawong gikan nihatud paglubong sa kabanay ang naluwas gikan sa nalunod nila nga pumpboat diha sa kadagatan sa Lungsod Sibonga niadtong Huwebes sa gabiI.
Ang Municipal Disaster Risk Reduction and Management Office sa Sibonga uban sa kapulisan ug Philippine Coast Guard Sibonga Sub-Station inabagan sa pipila ka mga mananagat ang naghiusa pag-rescue sa unom nga unang gikataho nga missing.
Matud pa sa otoridad ang maong grupo gikan sa Sibonga kay nitambong og lubong sa ilang kaliwat. Padulong na unta silang mouli balik sa lungsod sa Calape sa Bohol sa dihang nakasugat sila og unos nga niresulta sa pagdagko sa balud ug nasudlan og tubig ilang pumpboat hangtud nalunod kini ug dili na makadagan.
Ang mga sakay nga naluwas nagpangidaron 15 -anyos ngadto sa 78-anyos. Hinuon, human sila nakuha sa mga rescuers gidala sila og dayon sa PCG ngadto sa ilang destinasyon sa Calape. -- IBM BANAT NEWS