CEBU, Philippines — Maayong balita para sa mga konsumidor, ang Visayan Electric Company mipatuman og P2.43 matag kilowatt hour nga pagkubos sa bayranan sa kuryente karong buwana hangtud Hulyo.
Gikan sa kasamtangang P12.14 per kilowatt hour mamahimo nalang kining P9.71 per kilowatt hour. Kini human mipagawas og Department order ang energy regulatory commission kon ERC nga ang power supply nga gipalit sa mga distribution utilities sa wholesale electricity spot market ipabahin ang bayran ngadto sa upat ka mga installments nga sugdan sa Hunyo hangtud sa buwan sa Septiyembre.
Bisan pa man sa pag-ubos sa power rates mipahimangno ang VE nga posibleng mosaka og balik sa mga mosunod nga mga buwan.
Busa padayon ang panawagan sa VECO sa mga tawo nga magdaginot gihapon sa pagamit sa kuryente. Wa sad magnihit ang supply sa kuryente karong mga panahona. (BANAT NEWS)