CEBU, Philippines — Duha babaye ang gidakop sa kapolisan sa Parian Police Station 1 human nakamugna og eskandalo gumikan sa ilang panag-away ug nakadisturbo sa kalinaw sa lugar diha sa sitio Bukog, Barangay T. Padilla, Siyudad sa Sugbo, alas otso sa gabii, niadtong Hunyo 16, 2024.
Ang nalambigit sa panag-away mao si Claire June Mendoza, 33, ug si Flor Barriga Gonzales, 26. Ang duha pareha nga adunay live-in-partner og kasamtangan nga nagpuyo sa nahisgotan nga lugar.
Base sa report sa kapolisan, gidakop ang duha tungod sa kagubot og gituohan nga nakainom og ilimnong makahubog nga nakamugna og eskandalo ug nakadistorbo sa kalinaw sa dapit.
Si Police Master Sergeant Karl Noven Epe misulay sa pagpakalma sa duha ka babaye nga nag away apan gibaliwala lang kini hinungdan nga sila gidakop ug gidala sa presento sa kapolisan. —John Geron Encabo (BANAT NEWS)