CEBU, Philippines — Ang multi-billion nga joint venture project sa Siyudad sa Mandaue nga naglambigit sa reclamation ug kaugmaran sa 80 ka ektartang kabaybayonan ang sugdan na ang phase 1niini nga gikatakdang mahuman sa pagtapos niinin tuiga.
Ang maong proyekto nga manukad sa Barangay Paknaan duol sa lugar sa Marcelo Fernan Bridge ang nakabaton na usab og significant investment gikan sa Global Port 900 Inc. pinaagi sa holding firm niini nga Sultan 900.
Sa pasiunang gahin sa proyekto nikabat ngadto sa P9.9 bilyones ang niusbaw ngadto sa P15 bilyones tungod sa gihatag nga lugway sa timeline niini.
Ang maong proyekto nga naglambigit sa reclamation ug kaugmaran sa 131 ka ektaryang luna apan ang 80 ka ektarya lang ang magamit sa proponent sa maong proyekto tungod kay wala pay clearance alang sa nahibilin nga 51 ka ektarya.
Si Atty. Jamaal James Calipayan, Mandaue City administrator nagkanayon nga ang global city project sa kagamhanan sa maong dakbayan ang langkuban sa port complex, mix-use residential ug ingon man commercial center, casino ug entertainment complex. — /BDB (BANAT NEWS)