CEBU, Philippines — Andam motabang ang Highway Patrol Group (HPG)-7 sa Land Transportation Franchising and Regulatory Board (LTFRB)-7 kon magkinahanglan sila og tabang sa pagdakop sa mga Public Utility Vehicle nga napakyas pagpa-consolidate sa lugway nga gihatag kanila sa nasudnong kagamhanan.
Sugod kagahapon, dakpon na ang mga PUV nga wala makapa-consolidate human nga niadtong Mayo 15 natapos ang panahon nga gihatag sa LTFRB-7 sa mga pampasaheroang jeep nga wala makapa-consolidate.
Matud ni Police Colonel Wilbert Parilla, hepe sa HPG-7 nga paaboton nila ang mando sa ilang higher headquarters mahitungod niini.
Apan kong ang LTFRRB-7 ug ang Land Transportation Office-7 mangayo og tabang sa ilang opisina andam sila nga motabang sa pagpatuman sa balaod.
Sa oras sa pagsuwat niining balita wala pay nadawat nga direktiba ang HPG-7 gikan sa ilang higher headquarters ug wala pa usab sila makadawat og request sa mga naasoy nga mga ahensiya sa gobiyerno. (BANAT NEWS)