CEBU, Philippines — Moabot na sa tres mil ka mga indibidwal ang bag-ong natala nga botante sa Dakbayan sa Talisay.
Kini human sila niparehistro sa ilang kaugalingon diha sa buhatan sa Commission on Election (COMELEC).
Lakip na sa ihap ang bag-o nga nakaparehistro ug transfer sa pagrehistro.
Ang Talisay comelec nipahibawo nga kutob lang sila karong adlawa (Sabado) diha sa People s Hall.
Karong Marso 4 ipahigayon nila ang off site registration hangtud sa Marso 9 diha sa Talisay City College (TCC).
Gituyo nila kini aron mas daghan pa nga katawhan ang marehistro aron makasalmot sa piniliay sa sunod tuig.
Kahinumdoman, Pebrero 12 gibalik sa Comelec ang pagdawat sa pagparehistro. IBM BANAT NEWS