CEBU, Philippines — Mga sport venue alang sa umaabot nga Palarong Pambansa anaa lang sa “walking distance” gikan sa matag event. Si John Pages, chairman sa Cebu City Sports Commission (CCSC) nagkanayon nga ang mga atleta ug mga tumatan-aw makalantaw sa ubang mga kalihokan tungod kay ang mga venue anaa ra sa 3.3 ka kilometro ang gilay-on gikan sa usa ka event.
Gawas sa Cebu City Sports Center, ang Palaro organizers nigamit sa mga mall, kolehiyo ug unibersidad isip sports venues.
Matud ni Pages nga ang organizing committee nagbahin sa mga sport venue pinaagi sa mga hub.
Ang mga kalihokan sama sa athletic sports, swimming, basketball, volleyball, boxing, ug billiards, ug uban pa, gihimo sa downtown hub.
Ug ang athletics sports sama sa track and field, throwing sports sama sa javelin throw ug shot-put, ug swimming ipahigayon sa sports center ug uban pa nga mga lugar alang sa lain-lain nga kalihokan.
Dugang ni Pages nga ang South Road Properties (SRP) magsilbi usab nga hub diin anha ipahigayon ang baseball, softball, archery, wrestling, ug taekwondo. (BANAT NEWS)