CEBU, Philippines — Nipagawas og bag-ong traffic advisory ang Cebu-Cordova Link Expressway bahin sa pagsira sa Cebu South Coastal Road (CSCR) Northbound sugod karong Lunes ,Hunyo 6,2022 ug molungtad kini hangtod sa Hunyo 11,2022 alang sa dugang ayuhonon.
Ang oras sa temporaryong pagsira sa maong bahin kay alas 10 sa gabii hangtod sa alas 4 sa kaadlawon. Matud pa nga ipangtaod ang "portal gantries" sa maong taytayan busa gikinahanglan gyud ang temporaryong pagsira sa northbound lane niini.
Gitambagan ang mga motorista nga mogamit sa zipper lane gikan sa Il Corso ngadto sa SM Seaside City pinaagi sa Southbound Lane o ba kaha moagi sa alternatibong rota sa N. Bacalso Ave. "We apologize for the inconvenience," tipik sa statent sa CCLEX.
Sa laing bahin ,ang Metro Pacific Tollways Corporation nga maoy nagpadagan sa CCLEX nanawagan sa katawhan nga dili magpadala sa mga inbidwal nga giingong nagpaaron-ingnon nga representante sa ilang kompanya ug nipasalig nga mohatag og trabaho ug pangayoan og kuwarta ang mga aplikante.
Pinaagi sa ilang Facebook post, ang MPTC nihatag og link nga lehitimong nagpakita og mga bakante nga trabaho sa ilang kompanya.
"It has come to our attention that certain individuals are posing online as representatives of Metro Pacific Tollways Corporation, promising employment upon payment of fees for medical and document processing. We strongly advise applicants not to respond to such solicitations," suma pa sa MPTC.
Dugang pa sa maong kompanya nga dili gyud mahitabo nga mangolekta sila og kuwarta sa ilang mga aplikante. —/IBM (BANAT NEWS)