CEBU, Philippines – Managtiayon sakay og motorsiklo nabangga sa ilang kasugat nga multicab ang bana namatay didto sa Sitio Nasipit, Barangay Talamban, Dakbayan sa Sugbo niadtong Lunes sa kaadlawon. Ang managtiayon mao sila Roland Heyrana,49, nga nagmaneho sa motor ug iyang asawa nga si Marybeth Heyrana,42, residente sa Sitio Cahang-at , Barangay Tawason, Dakbayan sa Mandaue. Ang kasugat nila nga nagdrayb sa multicab kay si Alex Alegarbes,35, nagpuyo sa Tintay, Talamban. Base sa imbestigasyon nga gipangulohan ni Police Corporal Marcon Gonzaga Magnanao nga ang maong manag-asawa gikan Baliwagan, Balamban ug padung na sila pabalik sa ilaha sa Dakbayan sa Sugbo.
Pagkaabot nila sa Banilad Road padung Talamban Proper, nagkaagi sila ug kurbada nga dalan ug pagliko sa ug nagbangga sila sa multicab nga gimaneho ni Alegarbes.
Dali rasad nakaresponde ang Rescue unit sa Talamban ug gidala sa North General Hospital ang mga nadisgrasya apan gideklarar ni Dr. Andre Yu nga dead on arrival na si Roland, samtang ang iyang asawa ug ang drayber sa multicab naangol sa insidente.
Magatubang ug duha ka kaso ang drayber sa multicab og reckless imprudence resulting to homicide ug damage to property kung dili makig settle ang pamilya sa namatyan. (/IBM)(BANAT NEWS)