CEBU, Philippines - Nagpositibo sa paggamit og ilegal nga drugas si Police Officer 1 Roland Sacan nga nadakpan sa iyang mga kauban sa Dumanjug Police Station sud sa usa ka drug den niadtong bulan sa Agosto.
Si Sacan nag-atubang karon og duha ka kasong administratiba tungod niini ug tungod sa pagkasakop kaniya sud sa drug den.
Matud pa ni Superintendent Brindo Nacario, hepe sa Provincial Investigation and Detection Management Branch sa Cebu Provincial Police Office giendorsar na ang kaso ni Sacan sa rehiyonal alang sa kasong grave misconduct.
Si Sacan nadakpan kauban sa usa ka notadong drug pusher sa barangay Bitoon.
Gawas ni Sacan nasikop sab sa kapulisan ang laing upat ka mga tawo nga nakuhaan og mga drugas, armas ug granada. (BANAT NEWS)