CEBU, Philippines - Duna nay gisundan nga suspek ang kapulisan sa Minglanilla nga mipusil patay ni PO2 Omar Parages nga nadestino sa Police Community Relations (PCR) sa Minglanilla Police.
Si Senior Inspector Richard Gadingan hepe sa Minglanilla Police nga nahinabi sa mga tigbalita miingon nga personal nga bikil ang ilang gitutokan nga anggulo sa pagpatay sa iyang sakop.
Wala pa hinoon masayod si Gadingan kun duna bay nagsugo sa maong lalaki nga patyon ang maong pulis, apan sigurado sila nga ang ilang gisundan karon mao gayud ang gunman nga nalambigit na ‘sab sa ubang pagpamusil apan wala lamang pasakai og kaso sa mga biktima.
Nakaestorya na ‘sab sa hepe ang pamilya ni Parages kabahin sa update sa kaso. (BANAT NEWS)