CEBU, Philippines - Gitug-an ni Acting Gov. Agnes Magpale sa mga sakop sa media nga basin “di na makabalik†sa Kapitolyo si suspended Gov. Gwendolyn Garcia kung kini mogawas aron mosayaw sa Sinulog.
Matud pa ni Magpale nga mao kini ang usa sa mga butang nga angayan nga hunahunaon sa gobernador sa dili pa kini maka-desisyon sa pagsayaw.
Wala hinuon direktang miingon si Magpale nga iyahang ‘pasirad-an’ ang buhatan ni Garcia kung biyaan kini sa gobernador.
Usa ka deboto ni Senyor Sto. Niño si Garcia ug sulod sa walo na ka tuig, kanunay kining mosayaw isip representante sa lalawigan.
"My statement there have been with all my heart I really, I sincerely hope that I can dance for the ninth and the last time as a governor of Cebu together with one contingent coming from our town and this time this would be the Rosquillos Festival. And so, that is my wish and hope that I may be able to dance," sigon pa ni Garcia.
Matud pang Garcia nga wala makauyon ang mga Sugboanon sa gihimo kaniya sa iyang mga kaatbang. (BANAT NEWS)