CEBU, Philippines - Gipangulohan ni Gobernador Gwendolyn Garcia ang pagpang-apud-apod sa mga school supply, lesson plan ug class record sa mga tinun-an ug mga magtutudlo sa Samboan National High School ug Samboan Central Elementary School sa miaging adlaw.
Ang principal sa Samboan National High School nga si Esther Cebrian mitataw nga dakung dungog alang sa ilang tunghaan nga nahilakip sa mga eskuwelahan nga gihatagan og mga kasangkapan sa gobernador.
Samtang si kanhi Board Member Carrie Kintanar miingon nga gikinahanglan gyud nga dugangan pa ang mga kaayohan sa mga eskuylahan sa maong lungsod
Si Governor Garcia sa iyang bahin mapasalamaton kaayo sa mainitong pagdawat kanila ni Vice Mayor Rogelio Capa, ug sa mga kaubanan niini sa partido ug sa maayo usab nga pag abi- abi sa principal sa Samboan National High School.
Ang mga ginikanan ug magtutudlo nga nakadawat sa mga school supply, lesson plan ug class record mapasalamaton usab kaayo ngadto sa gobernador. (BANAT NEWS)