CEBU, Philippines - Gipasalig ni House Speaker Feliciano "Sonny" Belmonte sa 14th Supreme National Congress sa Associated Labor Unions-Trade Union Congress of the Philippines kagahapon nga dili pasagdan sa gobiyerno ang mga kabalaka ug panginahanglan sa mga mamumuo.
Gidayeg ni Belmonte ang ALU-TUCP tungod sa hugot nilang baruganan nga mangulo sa pagpaabot sa mga yangungo sa mga mamumuo sukad pa niadtong 1954 nga naglakip sa pagsigurong makatarunganong madawat sa mga mamumuo ang ilang mga katungod ug mga benepisyo alang sa ilang mga pamilya.
Giangkon hinuon ni Belmonte nga bisan pa man sa mga kalamboan sa ekonomiya sa nasud karon duna pa gihapoy mga kabus ug kini makita sa gidaghanon sa mga walay trabaho ug niadtong walay klarong trabaho o mga part timers lang.
Si kanhi Las Piñas Rep. Cynthia Villar, kinsa usa usab sa mitambong miingon nga ang ALU-TUCP dugay nang nagserbisyo sa mga mamumuo.
"Your important role is to continue to push for sound policy chances that will help many of our workers rise out of poverty. Kailangan ang patuloy na pangangalaga sa kapakanan ng ating mga manggagawa na siya mismong nagpapatakbo ng ating ekonomiya," matud pa ni Villar sa iyaha usab nga speech.
Base sa record sa Department of Labor and Employment, si Belmonte nagkanayon nga gikan Abril 2012 dunay 2.8 milyones nga mga mahimo pang motrabaho ang wala makatrabaho karon. Samtang 7.3 milyones usab ang underemployed o kadtong dili gyud walo ka oras ang trabaho matag adlaw maong gamay usab sila og sweldo, samtang ang Social Weather Station miingon nga sa second quarter ning tuiga gibanabanang 10.9 milyones ang walay trabaho.
"It is imperative that we continue to consolidate and marshal our efforts toward the creation for more jobs. We need to provide our workers with more choices and opportunities. Jobs are what will give our people greater dignity and the ability to meet their needs on their own," matud pa ni Belmonte.
Si TUCP Partylist Rep. Raymond Democrito Mendoza, ALU-TUCP national vice president for Mindanao Affairs miingon nga magpadayon ang ilang gitinguhang pagpangayo sa gobiyerno og dugang trabaho ug desenteng suhulan. (BANAT NEWS)