Espanya miatras sa Pilipinas
CEBU, Philippines - 1899— Opisyal nga gitapos sa mga Filipinong Katipunero ang rebolusyon human sa katapusan mitahan ang mga pwersa sa Espanya sa Baler, Aurora. Ang giproklamar nga rebolusyonaryong pangulo nga si Emilio Aguinaldo mihatag kanila og ‘safe conduct passes’ ug pasalig nga dili sila panamastamasan ug tugutang makapauli sa ilang nasud sa Espanya. Apan dangtan pipila ka bulan niini nagsugod usab dayon ang Filipino-American War tungod sa pagbaligya diay sa Espanya sa Pilipinas ngadto sa Amerika ug dili tiunay nga pagtahan ang ilang pag-atras.
Gipapatay ang mga kapartido
1934 –Tungod sa iyang pagkaigihan ug pagkawalay salig sa iyang mga kapartido gimando ni Adolf Hitler sa Nazi Germany ang pagpapatay kanila nga gitawag kaniadto og Night of the Long Knives. Gatosan ka mga tag-as nga opisyal sa Nazi nga gidudahan ni Hitler nga posibleng mokontra kaniya sa iyang pwesto ang gipamatay.
Korean War
1950— Gimando ni U.S. president Harry S. Truman sa pwersa militar niini nga tabangan ang South Korea batok sa pag-atake sa komunistang North Korean army. Sa samang adlaw wala mosanong ang Russia sa panawagan sa Amerika nga mopatunga sa maong giyera ug gibasol hinuon sa Russia ang South Korea nga maoy nagpasiugda sa giyera. Sa maong gubat nasuwayan o naekspirementohan sa US ug Russia ang ilang mga armas militar ilabi na ang paggamit sa jet fighters, ang Russia ug China mipagamit sa ilang Mig-15 batok sa F-86 Sabre sa US.
Higanteng sunog sa pantalan
1900— Miulbo ang labing dakong sunog sa usa ka pantalan nga nahitabo sa Pier 3 sa Hoboken, New Jersey USA. Unang nasunog ang upat ka barko sa mga Germans nga gipanag-iya sa Norddeustcher Lloyd (NDL) sa maong pantalan ug paspas kini kaayong mikatap sa 27 pa ka mga barko una pa kini nakontrolar. Nasuta nga diha magsugod sa usa sa mga bodega nga gibutang sa mga kargamentong gapas (cotton) ang kalayo ug tungod sa kakusog sa hangin napunta ang kalayo sa mga barel nga gisudlan og mga alkohol. Moabot sa 326 ka seamen ug mga bisitang kababayen-an ang nakalas. (BANAT NEWS)