CEBU, Philippines - Si Editha Cahilap, ang assistant principal sa Talisay City Central School miklaro kagahapon nga dili siya maoy principal sa Biasong Elementary School (BES).
Ang maong pagpatin-aw ni Cahilap gihimo human siya hinganli sa balita sa Banat News sa miaging adlaw nga siya maoy principal sa BES nga wala ikalipay sa tinuod nga principal sa maong tulunghaan.
Si Cahilap kinsa wala mohingalan sa principal sa BES maoy usa sa nakadayeg sa performance sa kapolisan sa Talisay gumikan sa pagmenus na karon sa krimen sa maong dakbayan. Matud pa niya nga malipay na siyang maglakaw nga wala nay kabalak-ang mga kriminal sa palibot karong panahona.(BANAT NEWS)