CEBU, Philippines - Patay nang nadangat sa tambalanan ang usa ka lalaking gipusil sa ulo samtang nanan-aw og salida sa telebisyon sa silingan diha sa sitio Guimbaliwan barangay Can-asujan lungsod sa Carcar niadtong Domingo sa alas 7:30 sa gabii.
Ang biktima mao si Ernesto Dadibalos, molupyo ra sa nahisgutang lugar samtang wala pa matumbok sa kapulisan ang suspek sa paghimo ning balita.
Matud ni PO1 Gilmer Noval, desk officer sa Carcar Police Station dihang nahinabi sa Banat News subay sa imbestigasyon samtang kini naglingkod sa terrace nagtan-aw sa salida sa telebisyon sa pinuy-anan sa usa ka Edwina Gemaloso kalit nga may mipakang buto sa armas.
Diha-diha nahagba ang biktima sa semento hinungdan nga gidali pagdala sa Carcar District Hospital apan gideklarar sa mga doktor nga dead on arrival.
Ang kapulisan pinangulohan ni SPO1 Meliton Agadier Jr. daling miresponde sa crime scene apan nakasibat na ang mamumuno. Wala pa matino sa kapolisan ang motibo sa krimen. (BANATNEWS)