CEBU, Philippines - Gimanduan na ni Cebu City Acting Mayor Michael Rama si City administrator Bimbo Fernandez nga ipatuman na ang Project Pagbanhaw (PP) diha sa barangay Mambaling.
Ang nahisgutang proyekto mao unya ang maghatag og klarong pinuy-anan sa mga biktima sa sunog sa sitio Naba diha sa nahisgutang barangay niadtong miaging buwan.
Pinaagi sa maong proyekto, hatagan sa kagamhanan sa dakbayan og mga dapat sa balay ang mga biktima sa sunog, ug sila na ang mopabarug niini.
Sa pagkakaron ang mga biktima, temporaryong nagpasilong sa sitio Viking Sports Complex samtang ang uban nangipon una sa ilang mga paryente.
Matud ni Rama nga gastuhan og minilyon ka pesos sa kagamhanan sa dakbayan ang pagtukod og kapin sa 200 ka mga panimalay alang sa mga fire victims.
Sa ilang pagpuyo sa maong mga balay mag-abang sila sa gobyerno og tag P10 matag adlaw sulod sa napulo ka tuig. – BANAT NEWS