Cebu - Nagpadayong ang pagpanangtang sa mga trabahante ang mga kompanya dinhi sa Sugbu ilabina sa mga exporting companies.
Gawas sa kapin sa 300 ka mga kawani sa furniture company nga nipasaka og kaso sa Department of Labor and Employment kun DOLE-7, niadtong duha ka adlaw nakalabay gatusan na usab ka mga empleyado ang nipasaka og kaso sa National Labor Relation Commission kun NLRC gumikan sa illegal nga pagtaktak kanila sa trabaho.
Si NLRC administrative officer Fe Cabigon niingon nga dul-an na sa 200 ka mga trabahante sa Meatland sa MEPZ sa siyudad sa Lapulapu ang nidangop sa ilang buhatan niadtong Lunes ug napun-an kini og 60 ka mga empleyado pagkahapon.
Gawas pa niini, may 15 usab ka mga trabahante sa Taiyu Yuden ang nireklamo usab pg illegal dismissal batok sa ilang management.
Ang mga nahisgutang mga trabahante nipasangil nga gawas illegal nga pagtangtang kanila, wala pa gyud sila tagai og separation pay ingon sa ilang 13th month pay.
Sa ilang alegasyon gitantang sila sa ilang trabaho dihang naningil sila sa ilang 3th month pay.
Samtang gibutyag sa DOLE-7 ang pagpanaktak epekto sa nasinati nga global financial crisis.
Ang director sa DOLE-7 Elias Cayanong gimonitor nila karon ang mga kompaniya sa Mandaue ug MEPZ diin mahimutang ang mga manufacturing companies nga gihulagway niyang naa sa kritikal nga kahimtang sa mosunod nga unom ka bulan ning tuiga.
Dunay giumol nga Quick Reaction team ingon man ang Regional Cordinating Council (RCC) nga maoy ipadala dayun sa Dole-7 niadtong mga kompaniya nga ipaubos sa alarm signal tungod kay naglisud na ang operasyon niini aron pagpakigsabot sabot sa management ug sa mga kawani aron malikayan ang pagpanaktak og trabahante.