Gitigbas ang usa ka batan-ong lalaki sa kaugalingong ig-agaw human gipasanginlan sa pagpangawat og manok sa sitio Catap barangay Banlot lungsod sa Sibonga niadtong Biyernes sa alas 10:00 sa gabii.
Ang biktima giila sa kapulisan nga si Joseph Padin 20, anyos, molupyo sa nahisgutang lugar samtang ang suspek mao si Demosthenes Padin, silingan ra sa biktima.
Gibutyag ni SPO1 Ramuel Banugon sa Sibonga Police Station dihang nahinabi sa Banat News ang biktima maoy gipasanginlan sa suspek nga nikawat sa iyang manok sa mga nakalabay'ng adlaw hinungdan nga naglagot kini kaniya.
Niadtong Biyernes sa gabii gikan nga nanan-aw og telebisyon ang biktima sa ilang silingan ug sa pagpauli niini giatangan kini sa suspek ug gitigbas.