Usa ka suspetsadong pusher kinsa nagtago-tago sulod na sa upat ka tuig ang nasikop sa kapolisan sa Dumanjug niadtong Biyernes sa hapon diha sa Barangay Bitoon sa nahisgutang lungsod.
Ang suspetsado giila ni Inspector Ricardo Nayne, hepe sa kapolisan sa lungsod nga si Angelo Ragusta, 53-anyos, residente sa nahisgutang barangay.
Matud ni Nayne nga si Ragusta adunay kasong paghupot og ginadiling drugas niadtong tuig 2003 diin nasang-at kini sa sala ni Regional Trial Court Judge Eldifonso Suerte sa branch 60.
Si Nayne nagkanayon nga naaktohan sa mga polis nga si Ragusta mipauli diha sa ilang lugar hinungdan nga nasikop nila ang suspetsado.
Dala nila ni PO3 Saul Alejandria, PO2 Samuel Casipong ug PO1 Achilles Redoble ang warrant of arrest nga giluwatan ni Suerte batok ni Ragusta dihang ila kining gisikop.