Sa report sa TV Patrol Central Visayas, si Janice Aleonar, 27 anyos nga taga Poblacion, Carcar ang nabiktima sa saag nga bala. Natug na unta si Janice paglapas sa tungang gabii niadtong Decembre 25 dihang nagkadugo na ang iyang wang bahin sa iyang dungan.
Wala pa matino ang kalibre sa armas nga gigamit sa wa ma ilhing nagpabuto. Nasayran nga nilapos sa ilang bung-bung sa ilang panimalay
Matud ni Sandy Aleonar , bana sa biktima, nga gisuwerte na lang ang iyang asawa tungod wa gyud maulo sa saag nga bala. Wa pa say natumbok nga tawo nga responsable sa paggamit sa armas.
Sa niaging tuig, niabot ngadto sa tulo ang naigo sa saag nga bala gikan sa syudad sa Sugbo , Danao ug Lapulapu city. Walay bisan usa ang nasakpan.
Hangyo ni director Susana Madarieta sa Department of Health nga mogamit na lang unta sila ug torotot inay sa pabuto o armas de fuego.
Ang Department of Health aktibo ron sa ilang kampanya "FOUR" mula Kontra Paputok.
Sa Pasko 2006 nag minos ang nabiktima sa pabuto atol sa pagsugat sa pasko. Niabot lang ngadto sa 11 ka tawo ang nadala sa Cebu City Medical Center ug sagad nila nabuthan ug kwistis, bawang, hotdog ug whistle bomb.
Laing bata nadala sa CCMC mao ang 7 anyos nga si Daphne Alidon ug sa labing tiguwang si Virgilio Romero 53 anyos.
Sa 11 ka biktima, ang nagrabihan mao ang 15 anyos nga si Julius Caralde taga Nazareth Buhisan, Cebu City. Napuno sa tahi ang duha ka paa ni Caralde ug apil nasamad ang iyang kinatawo.
Aksidenting nibuto ang rapid five star nga iyang gilukluk sa iyang bulsa.
Samtang lima ka batan-on ang nadungaban atol sa pagsugat sa Pasko diha sa syudad sa Sugbo. Hinuon wa kaayo ma grabihan silang Junjun Estrada, 26; Generoso Labotan, 33: Renario Lopez, 19: Noly Cablo, 22 ug Eugene Apollo.