Si Supt. Oppus miluwat niining maong bahad ngadto sa mga FTP augmentation force sa kapolisan sa Lapulapu aron pagseguro nga motuman sila sa ilang tagsatagsa ka assignment.
Matud pa ni Supt. Oppus base sa report sa iyang mga inspektor nga nadestino sa pagsuperbisar sa mga FTP nga gipangdestino sa nagkalainlaing dapit atol sa ilang tour of duty, adunay daghan nga wala sa ilang puwesto.
Mitumaw ang pagtuo nga naglaaglaag lamang ang mga FTP o wala motuman sa ilang mga oras nga gidestino sa ilang mga hepe sa nagkadaiyang presinto sa kapolisan sa Lapu-Lapu.
Gumikan niini, si Oppus mipadayag nga kinahanglan nga "on time" gyud ang mga FTP nga diha sa ilang tagsatagsa ka area ug kun wala sila sa ilang pwesto o absent kinahanglan kini nga mopasabot sa saktong hinungdan nganong dili sila kasilotan sa pagsupak sa ilang detailed order sa maong adlaw.
Ang makalapas niini adunay tukmang silot nga ipahamtang si Oppus batok sa mga FTP nga laagan sa ilang pwesto.
Sa milabay'ng adlaw, siyam ka mga FTP wala sa ilang pwesto atol sa pag-inspeksiyon ni SPO4 Damiano Montebon ug kini gipa-esplikar pa sa ilang habig kun nganong wala sila sa ilang nahimutangan.
Ang FTP mga bag-ong polis nga gitahasang mobantay sa mga karsada nga agian sa mga delegado sa ASEAN Summit karong bulan sa Disyembre.