Si Mandaue City Mayor Thadeo Ouano nagkanayon nga mipasalig si Garcia nga mohatag og financial assistance ang probinsiya sa Sugbo sa duha ka mga nangamatay nga si Diosdada Jao ug Felipe Hermoso ug sa mga naangol sa maong insidente.
Matud pa ni Garcia nga kini depende lamang sa assessment sa mga tambalanan sa ilang bayronon sa ospital ug mga tambal sa mga nasamdan ug namatay.
Matud pa ni Ouano nga susama gihapon ang ilang ikahatag nga tabang sa mga biktima ug kini kinahanglan pa nga ipaagi sa legal nga proseso sa hawanan sa konseho sa Mandaue sa pagpagawas og pundo niini gikan sa ilang calamity fund.
Subay niini, gipasalig usab ni Fortunato Sanchez, tag-iya sa Gene's Laundry Shop nga mohatag og assistance sa mga biktima nga namatay ug ang anaa pa sa mga tambalanan.