Patay nang nadangat sa tambalanan ang biktimang si Ricardo Estrera, hingkod ang panuigon, lumad nga taga San Francisco, Camotes Island ug temporaryong nagpuyo sa nahisgutang barangay.
Sumala pa sa imbestigasyon ni SPO3 Zenaido Pastorfide sa Homicide Section sa Cebu City Police Office nga gikan pa nag-inom sa iyang mga kaubanan sa trabaho nga sila si Arnel del Coro ug ig-agaw nga si Boyet Wenceslao ang biktima.
Human sa ilang paglingaw-lingaw namauli na ang tulo. Apan dihay duha ka mga lalaking luwan sa usa ka motorsiklo nga nagpaabot diin ang backrider kalit nga mipusil kaniya makadaghang higayon.
Ang biktima nakaangkon og samad pinusilan diha sa tuong bukton nga milapos sa tuong kilid sa iyang lawas, dihang nahagba misutoy dayon ang mga suspek palayo sa maong dapit.
Daling gidala sa Perpetual Succuor Hospital si Estrera apan gideklarar kining dead on arrival gumikan sa kagrabe sa igo niini sa lawas.
Walay nakaila sa duha ka mga mamumuno, matud pa ni Pastorfide nga walay gikakontra ang biktima diha sa nahisgutang lugar ug ang labing duol nga posibleng motibong ilang gidudahan mao nga gikasuyaan ang biktima ug gipareglahan.