MANILA, Philippines - Isang hindi pa kilalang babae ang natagpuang patay sa loob ng isang motel sa Brgy. Bagabas, Daet, Camarines Norte.
Ang biktima ay inilarawan na nasa 19-20 ang edad na may tama ng apat na saksak sa iba’t ibang bahagi ng katawan.
Batay sa ulat, bago natagpuang patay ang biktima sa ilalim ng kama sa room 7 ng Travellers Hotel noong Biyernes ng umaga ay nag-check-in ito kasama ang hindi pa kilalang lalaki at nagbayad ng hotel bill para sa 24 oras na pananatili doon.
Ayon sa staff ng motel naunang lumabas ang lalaki at nagtataka sila kung bakit hindi pa lumalabas ang babae.
Kaya’t tinungo nila ang silid at dito natuklasang patay na ang babae dahil sa mga tinamong saksak.