CEBU, Philippines - Gitiwasan sa Prospeed ni playing coach Nante Jubay ang MS Motosuit, 60-56 ug ilang naangkon ang ikatulong puwesto sa 1st Keiz BJ Inter-Company basketball tournament sa miaging gabii didto sa barangay Tabok gym sa dakbayan sa Mandaue.
Maayo kaayong nakaduwa ang managsuong Jubay nga sila si Jack, Nante ug Wendy nga parehong mikulit og double figures.
Si Jack maoy topscorer nga mibagdok og 24 puntos, samtang sila si Nante ug Wendy parehong misansan og 11 puntos nga maoy nakaguba sa depensa sa MS Motosuit, kinsa niduwa nga wala ang ilang playing coach nga si Lou Ornopia.
Ang MS Motosuit gipangulohan ni Merot Egonia nga milansang og 22 puntos. (BANATSPORTS)