CEBU, Philippines — Ang Bai Hotel ug Shangri-la Mactan Cebu maoy nangu sa listahan sa mga quarterfinalists sa Hotel Resort and Restaurant Association of Cebu, Inc. (HRRACI) Sportsfest 2024 nga giduwa sa Capitol Parish Gym sa may dalan Escario, dakbayan sa Sugbo.
Ang Bai Hotel ug Shangri-la parehong mitapos sa eliminasyon bitbit ang perpektong 4-0 rekords.
Kuyogan sila sa Final 8 sa Seda Central Bloc, JPark Island Resort and Waterpark, Diamond Suites and Residences, ug Belmont Hotel nga nagkupot og managsamang 3-0 nga baraha.
Mi-abante sab ang Kandaya Resort ug Quest Hotel sa sunod nga hugna sa kompetisyon tungod sa pagposte nila sa labing taas nga kinatibuk-an puntos sa tanang 26 ka mga entranteng koponan way labot ang unom ka top seeds sa tagsa-tagsa nila ka brackets.
Ang aksiyon sa quarterfinals gikatakdang sugdan karong Hunyo 21.