Dear Banat News,
Hello sa tanang nag-atang permi sa LOVE STORY, Banat News. Ako diay si Aubrey , 31 years old ug taga Labangon.
Malingaw gyud ko sa Banat News kay daghan man gud og sulod nga articles. Sukad sa miaging tuig, tigbasa na gyud ko sa segment nga Love Story . Tulo ka buwan nako nga single diay, ug grabe kay pagbuwag namo sa katapusan nako nga nauyab kay gisundan dayon sa community quarantine, niduyog man sad ang panahon uy. Sa pagka-karon hinay-hinay nako nga naka-move on.
Ang katapusan nako nga boyfriend mao si Vince, 25 years old nga taga Davao City. Nagkaila mi niya kay naka-work man siya dinhi sa Cebu City isip call center agent. Dinhi siya gi-assign sa iyang kompanya, aron mo-train sa bag-ong nadawat nga applicants.
Usa ko sa bag-ong nadawat nga aplikante ug didto ko na-belong sa iyang team. Mao kini ang rason nga nagkasuod mi niya . Basta Friday , inighuman sa among work, mao na ang naandan namo nga laag sa mga imnanan.
Laktod pagkaistorya, nagkasuod mi og maayo ni Vince, ug permi na pud ko niya ihatod inig-uli.
Nagkailhanay na mi og maayo, ug duna pu’y panahon nga hilig kay mi mangaon sa mga restaurant.
Medyo na-develop na gyud mi sa usa'g-usa . Pormal siya nga nanguyab nako, ako dayon siya gisugot uy. Naa man gud niya ang qualities nga gipangita nako sa usa ka lalaki.
Ganahan ko niya kay maka-talk siya about life, social issues, ug guwapo pa gyud si Vince.
Bisan manghod kaayo nako og edad si Vince, wala siya nahimong babag sa among relasyon.
Naabot ang adlaw nga akong gikahadlokan, pag-abot og usa ka tuig, gipabalik na siya sa iyang kompaniya sa Davao . Wala ta’y mahimo, taga didto man sad siya. Medyo nag-antos mi gamay sa sitwasyon nga LDR o long distance relationship. Pero pagka-kadugayan, nagkahanap man ang among relasyon, tungod kay puros mi busy, dunay mga panahon nga nalimtan na namo ang among relasyon. Kay grabe naman kabugnaw sa among relasyon, nakahukom na lang gyud mi nga magbuwag. Sakit pud baya, pero kapoy man sad kung mag-stay sa usa ka relasyon nga walay klaro.
Sa pagka-karon, amo gipabilin ang among panaghigalaay ug nisaad nami sa usa'g-usa nga dili nami magbalik, kay lisod gyud kaayo ang LDR. Nagtuo ko nga makaya ra, pero dili man diay.
Request lang ko sa lyrics sa Collide by Howie Day.
Hi Aubrey ! Thank you so much sa imong LOVE STORY! Paabuta ugma puhon ang imong request.
Dear suking readers, aduna ba kamo’y LOVE STORY? Suwata ka na ug ipadala pinaagi sa pag-like sa atong Facebook Page: Banat News Hugyaw (BNH) o Banat News. I-like ang atong page daan, unya i-private message ang imong LOVE STORY. Ayaw lang i-abbreviate aron matarong og basa.