“Dili kaha ako kondenahon niining akong desisyon, mother Superior?†Nakapangutana si sister Veronica.
“Ug kinsa man ang mokondenar kanimo?†sa madre superyor pa. “Ang Diyos nakatugkad sa atong pagbati. Nakasabot siya kanato. Ug ang simbahan wala’y katungod sa pagkondenar ni bisan kinsa nga misunod sa sugo sa iyang kasingkasing. Sulondon kana, sister Veronica. Dili kay kumo mga madre kita, mao ray atong tan-awon ang pikas bahin sa kuwartang biyugol ug wala nato tan-awa ang pikas nawong niini. That is bias. We must look at the two sides of coin in order to attain the right judgement.â€
“But I swear to serve the Lord with all my heart and soul, mother Superior,†ni sister Veronica pa. “Mao kana ang nakahasol kanako.â€
“Wad-a kanang imong kahasol,†alam-alam sa madre superyor. “There’s nothing to worry about. Ang Diyos ray nasayod kun unsa gayod ang angay kanimo. Sa pagka-karon, maoy mahinungdanon nga gisunod mo ang butang nga imong gituohan nga makahatag kanimo’g kalipay. Aron makabaton ka pa og peace of mind. Kun unsa man unya ang mahitabo sa umaabot unya na nato kana atubanga kun moabot na. Kana tipik ug kabahin gihapon sa kabubut-on sa Diyos alang sa tawo.â€
Wala usab makatingog si sister Veronica. Gipamalandongan niya’g maayo ang mga bulawanong pulong gipadayag sa madre superyor. -- Sumpayan pa