CEBU, Philippines — Nagpabilin nga top 1 performing Governor si gobernador Gwendolyn Garcia sa Central Visayas base sa pinakaulahi nga survey nga gihimo sa RP-Mission and Development Foundation Inc. (RPMD) alang as first quarter sa tuig 2024.
Sa “Boses ng Bayan” national survey sa RP Mission, si Garcia nakakuha og 93.8% Gisundan ni gobernador Jake Villa sa Siquijor (90.5%), ikatulo si governor Manuel “Chaco” Sagarbarria sa Negros Oriental (89.7%) ug ikaupat si Bohol Governor Erico Aumentado nga nakakuha og 86.3% nga rating.
Ang grupo sa nagsurvey nagkanayon nga si Garcia adunay “exemplary performance” ug epektibo ngal lider sa Sugbo tungod sa “strategic vision, effective governance ug constituent solid approval”
Apil sa mga criteria nga gibasehan mao ang Crisis Management Strategies, pagpalambo sa imprastraktura, healthcare, edukasyon, ug literacy; Economic ug Social Initiatives sa employment, agriculture, public safety, ug environmental sustainability ug uban pa.
Ang maong survey gihimo pinaagi sa face-to-face interview sa 10,000 ka mga tawo. — /MEL (BANAT NEWS)