Wanted sa kasong murder nadakpan

CEBU, Philippines — Usa ka top 6 Most Wanted Person Provincial Level nga adunay kaso nga murder ang nasikop sa mga tinugyanan sa PS5 Carbon Police Station alas dies y media sa buntag adlaw nga biernes sa may Sitio Ermita Proper, Barangay Ermita ning Dakbayan sa Sugbo.

Ang nasikop naila nga si Jhonrod Superales, 19, residente sa Barangay Ermita.  Ang maong dinakpan nasikop kini human sa giluwatan nga warrant of arrest gikan ni Judge Ricky Jones Macabaya sa Regional Trial Court Branch 5 tungod sa kasong murder nga walay bail nga gitugot nga giisyu niadtong October 21, 2024.

Ang dinakpan wala ra hinoon nisukol sa dihang gisilbi ang search warrant kaniya. 

Ang maong dinakpan mao na lang ang nagpabilin nga gawasnon human laing duha niini ka mga kauban sa krimen ang nasikop na ug nagtingkagol na sa lock-up Jail.

Ang maong dinakpan dalhon kini sa kapulisan ngadto sa korte nga niisyu sa iyang warrant aron ilaha kini ipresentar. — IBM BANAT NEWS