Impeachment halok sa kamatayon

Patongpatong ang reklamong impeachment ang gisang-at batok kang Bise Presidente Sara Duterte Carpio. Ang impeachment usa ka politikanhong proseso sa pagpapahawa sa mga impeachable nga opisyal sa gobyerno.

Basi 1987 nga Batakang Balaud aduna lamay 31 ka mga opisyal sa gobiyerno nga matangtang pinaagi sa impeachment ug mao kining mosunod: Presidente, Bise Presidente, Chief Justice sa Korte Suprema ug ang 14  ka Associates Justices niini, Chairman ug unom ka mga Commissioners sa Commission on Elections, Chairman ug duha ka Commissioners sa Civil Service Commission, Chairman ug duha ka Commissioners sa Commission on Audit ug Ombudsman.

Ang impeachment nga reklamo makabasi kini ning mosunod: Tinuyo nga paglapas sa Batakang Balaud, pagtraydor, pagdawat og suborno, pagpangawkaw, uban nga tagas nga krimin ug pagbudhi sa pagsalig sa katawhan.

Ning maong politikanhong proseso ang mga kongresista sa Ubos Balay Balauranan ang magsilbing prosecutor samtang ang mga Senador sa Senado ang magsilbing mga huwes diin pangulohan sila sa Chief Justice sa Korte Suprema kun ang i-impeach ang Presidente pero kun ang uban nga impeachable nga opisyal ang i-impeach, ang mga senador pangulohan sa presidente sa Senado.

Aron mapalabang ang Articles of Impeachment nanginahanglan kini og usa ka boto sa matag tulo ka kongresista (1/3) o 105 ka mga kongresista ug aron mapapahawa ang impeachable nga opisyal nagkinahanglan kini og duha ka boto sa matag tulo ka Senador (2/3) o 18 ka mga Senador. Sunod semana mag Christmas break na ang Kongreso ug sa ilang pagbalik sunod tuig bulan lang magsugod na sa ilang kampanya ang mga magpapili sa pagka senador. Sa 24 ka mga senador 12 kanila ang magpapili pag usab. Ang mga kandidato sa pagka senador gihatagan lamang og 90 ka adlaw sa pagpangampanya lukop nasud.

Tungod niini, may oras pa kaha ang nga senador sa pagpangampanya kun maglingkod sila nga huwes sa impeachment. Wala pa kini labot sa mga kongresista kansang termino magdungan sa paghuman. Halok sa kamatayon sa politikal nga career sa mga senador ang impeachment kay sila ang mga huwes niini.

Sa piniliay nanginahanglan sila og boto maong maghunahuna sila sa boto sa mga dumadapig sa mga Duterte.