Coach Roger Potot nakat-on sa bangiitang trainer

CEBU, Philippines — Ang Sugbuanong strength and conditioning coach nga si Roger Justine Potot malipayong nagsud-ong sa iyang panahon uban ni Erwin Valencia, usa ka tinamod nga otoridad sa ilang linya sa trabaho nga nagkupot sa dungog isip labing unang Pinoy sa NBA.

Ang bangiitang physical therapist, athletic trainer, ug strength and conditioning coach nagtrabaho uban sa New York Knicks sa NBA sud sa siyam ka tuig.

Si Valencia, nga usa sab ka sports scientist, health and wellness coach, ug life coach, miduyog sa Knicks organization niadtong 2014 isip direktor sa ilang training ug conditioning sa wala pa siya nahimong physical therapist, athletic trainer, ug wellness coach sa team niadtong 2019.

Apan niadtong bulan sa Hulyo ning tuiga, si Valencia mipahibawo nga mobiya sa siya sa Knicks aron lantawon ang iyang mga opsiyon sa dili pa mopadayon sa iyang karera.

Sa pagka karon, si Valencia ania sa Sugbo aron tabangan ang Team Miami sa US sa ilang kampanya sa FIBA 3x3 World Tour Cebu Masters didto sa SM Seaside City.

Si Potot, ang founder sa NXT Level Conditioning nga konektado sab sa ARQ Sports ug University of the Visayas (UV) Green Lancers, nakaila ni Valencia pinaagi sa referral ni coach Jesse Wright, ang kanhi direktor sa performance rehabilitation

sa Philadelphia 76ers, atol sa ilang online training session.

 "I'm very glad to hear his story and his advices being a pro coach in the NBA. We had a very inspiring and thought provoking talk," matud pa ni Potot kabahin sa mahinungdanon nilang paghimamat ni Valencia. "Thank you (coach Erwin) for answering my questions and sharing your experience.